«Սակայն
Սամուելին դուր չեկավ, երբ ասացին. «Մեզ մի
թագավոր տուր, որ մեզ համար դատավորություն անի»:
Սամուելը Տիրոջն աղոթեց» (1 Թագավորաց
8:6):
Այս համարում ուշադրությունս գրավեցին այս երկու նախադասությունները՝ «Սամուելին
դուր չեկավ» և «Սամուելն աղոթեց»:
Իսրայելի պահանջը սխալ էր, բնական էր, որ դա դուր չէր գա
Աստծո մարդուն: Նա դա ուրիշներին չպատմեց, այլ Աստծուն: Մեր կյանքում կարող են լինել
շատ բաներ, որոնք մեզ դուր չեն գալիս: Լավ
է, որ կա վստահելի Մեկը, ում կարող ենք դրանք պատմել: Եթե ուրիշներին պատմենք, կամ
չեն հասկանա, կամ չեն կարողանա օգնել, չեն կարողանա ճիշտ լուծում տալ: Իսկ Տերը գիտի
բոլոր մանրամասները, որոնք մենք չգիտենք, գիտի, թե ինչ լուծում տա, Իր համար անհնարին
ոչինչ չկա:
Տիրոջը դուր է գալիս, երբ մենք մեզ դուր չեկած բաներն Իրեն
ենք պատմում:
Թող ինձ համար էլ նույնն ասվի. «Հռիփսիմեին դա դուր չեկավ, Հռիփսիմեն Տիրոջն աղոթեց»:
Իմ օրագրից,
մարտի 22, 2021
