Ես կորած եմ համարել այն օրը, երբ Աստծո Խոսքին պատշաճ ժամանակ չեմ տրամադրել:
Ջորջ Մյուլլեր
Ինչու՞ ես ձայն ուզում, երբ սուրբգրային համար ունես:
Ջիմ Էլիոթ
Երանի նրանց, ովքեր մշտապես հաճույք են գտնում Աստվածաշնչի
շքեղությունների մեջ: Նրանք հաղորդակցվում են Աստծո մտքի հետ, լսում են երկնային ձայնը,
վայելում են ամենամաքուր լույսի շողերը, կերակրվում են նորոգության արոտներում: Նրանք
չեն վախենում մոլորության մոլախոտերից, ոչ մի ծուռ ճանապարհ չի շեղի նրանց քայլերը:
Վերին իմաստությունն է քաղցրությամբ առաջնորդում նրանց: Սուրբ Հոգին՝ մեծագույն Ուսուցիչն
է սովորեցնում Աստծո Խոսքի ուսանողներին: Նրանք առաջ են գնում ապահով, երջանիկ, գնում
են շնորհքից շնորհք:
Հենրի Լո
Զգուշացիր, եթե կորցրել ես Աստծո Խոսքի համար ախորժակդ.
Դա լուրջ հիվանդության ախտանիշ է:
Չարլզ Սպըրջըն
Ես հաճախ պատմություն եմ պատմում փոքրիկ արծվիկի վերաբերյալ: Մի ագարակատեր հավին թուխս էր նստեցնում: Նրան մի ձու էր պակասում թուխս դնելու համար: Չեմ կարծում, որ այստեղ որևէ մեկը գիտի, թե քանի ձու է պետք թուխս դնելու համար, բայց համենայն դեպս նրան մի ձու էր պակասում: Եվ նա գողացավ արծվի բնից: Բնում երկու ձու կար, և նա մեկը դրեց թխսի տակ: Երբ արծվիկը ձվից դուրս եկավ, մյուս ճուտիկների մեջ նա տարօրինակ թռչուն էր: Նա չէր հասկանում հավի կչկչոցը: Նա չէր խոսում այնպես, ինչպես ինքը կուզենար: Երբ նա հավանոցում քջուջ էր անում ուտելիք գտնելու համար, այդ ուտելիքը նրան դուր չէր գալիս: Նա «անճոռնի ճուտիկ» էր մյուս ճուտիկների համար: Հավը կռթկռթում էր, իսկ ինքը չէր հասկանում: Հետո մի օր նրա իսկական մայրիկը, որը գիտեր, որ երկու ձու է դրել, նկատում է, որ միայն մեկը ունի: Այդ ժամանակ սկսեց փնտրել մյուս ձուն: Նա սկսեց թռչել գյուղով մեկ: Երբ թռչում էր հավանոցի բակի վրայով, նկատեց մի արծվիկի, որը հետևում էր ծեր հավին: Նա կանչեց. «Փոքրիկս, դու ճուտիկ չես, դու արծվիկ ես»: Արծվիկը ճանաչեց նրա ձայնը: Ինչու՞: Որովհետև նա արծիվ էր: Երբ մարդը սահմանված է Աստծո որդի լինելու համար, եթե նույնիսկ դրված է եղել հավատամքների և ձևապաշտական հին կրոնների մեջ, երբ նա լսում է զորությամբ քարոզված Աստծո Խոսքը և տեսնում է, որ Աստված հաստատում է այն, կվազի այդ Խոսքի մոտ. դա նույնքան հաստատ է, որքան, որ երկու անգամ երկու չորս է: Նա չի կարող այդ չանել, որովհետև նրա էությունը սիրում է Աստծո Խոսքը: Նրա համար կարևոր չէ, թե ուրիշներն ինչ են ասում: Երբ նա տեսնում է Աստծո Խոսքի բացահայտումը, թռչում է դեպի այդ Խոսքը, որովհետև նա արծվիկ է:
Անգլերենից թարգմանեց Հռիփսիմե Մկրտչյանը
Комментариев нет:
Отправить комментарий