Ոսկուց ավելի լավ, բժշկությունից ավելի լավ

«Ուստի ապաշխարեցեք և դարձի եկեք, որ ձեր մեղքերը ջնջվեն... » (Գործք 3:19):

Պետրոս առաքյալը կաղին ասել էր, որ չի կարող նրան տալ այն, ինչ ակնկալում է՝ ոսկի կամ արծաթ, և տվեց այն, ինչի մասին չէր էլ կարող երազել՝ բժշկություն Հիսուսի անունով:  Տվեց ավելի լավ բան ու առիթից օգտվելով ներկաներին առաջարկեց           բժշկությունից էլ ավելի լավ բան՝ մեղքերի ջնջվելը: Դա ամենալավ առաջարկն էր: Եթե մեղքերը ջնջված են, ուրեմն ջնջվում են վախը, ամոթը, հուսահատությունը, տխրությունը, անհանգստությունը:

Իր մեղքերն ատող և սրբությանը փափագող մարդու համար ավելի լավ լուր չկա, քան սա՝ մեղքերդ ջնջված են:

Ւմ օրագրից, ապրիլի 27, 2018