Ուրախ սիրտ

(Առակաց 17:22)

«Ուրախ սիրտ» դեղի մասին մի օր լսեցի,

Ուրեմն գնամ դեղատունն Աստծո Խոսքի,

Գնեմ այդ դեղը, որը ինձ կօգնի

Պայքարել հոգեկան ընկճվածության դեմ,

Եվ կազատի ինձ հուսահատությունից:

Դեղատանն իմացա, որ պատրաստելու համար դեղը այդ հրաշք

Պետք է միացնել բաղադրիչներն իսկական ուրախության,

Որոնք պատճառներն են ուրախ լինելու:

Նախ գտա բաղադրիչն առաջին.

Կոչվում էր 1Մնացորդաց 16:10 և Սաղմոս 40:16.

«Տերը խնդրողների սիրտը թող ուրախ լինի,

Ամեն Նրան փնտրող թող ցնծա և ուրախանա»:

Ես ամեն ժամանակ Տիրոջն եմ փնտրում,

Ուրեմն բաղադրիչն առաջին պատրաստ է:

Այժմ երկրորդը գտնեմ.

Կոչվում է Սաղմոս 5:11.

«Բոլոր քեզ հուսացողները թող ցնծան հավիտյան,

Անունդ սիրողները Քեզնով թող զվարճանան»:

Նրա Անունն եմ սիրում, Նրան եմ հուսացել,

Ուրեմն երկրորդ բաղադրիչն էլ ունեմ:

Հիմա պետք է երրորդը գտնեմ.

Ահա և այն. կոչվում է Սաղմոս 122:1.

«Ուրախանում էի, երբ ինձ ասում էին.

«Տիրոջ տունը գնանք միասին»»:

Երրորդ բաղադրիչն էլ եմ գտել,

Քանզի Տիրոջ տանը միշտ եմ փափագել:

Բայց պետք է գտնեմ ամենակարևոր բաղադրիչը`

Ամենամեծ պատճառը ուրախանալու.

Ղուկասի 10:20 է կոչվում.

«Ուրախացեք, քանզի անուններդ գրված են երկնքում»:

Ավելացրի նաև այդ բաղադրիչը,

Համեմեցի սիրտն ուրախացնող Տիրոջ կանոնների հետ,

Եվ «ուրախ սիրտ» դեղը ահա պատրաստ է.

Երբ հարցրի. «Այս հրաշք դեղի համար ի՞նչ վճարեմ»:

Պատասխան լսեցի` «Հիսուսը վճարել է քո փոխարեն»:

 Հռիփսիմե Մկրտչյան

Սողոմոնից մեծ Մեկը

(3 Թագ. 10:2, 3, Մատթ.12:42)

Հարավի թագուհին Սողոմոնին պատմեց իր սրտում ողջ եղածը,

Սողոմոնից մեծ Մեկը կա իմ կյանքում,

Թագավորին տվեց նա շատ դժվար հարցեր,

Յուրաքանչյուրի համար ստացավ ճիշտ բացատրություն:

Թագավորաց Թագավորին ամեն բան հարցնեմ,

Չկա մի բան, որ չկարողանա Նա ինձ բացատրել,

Սրտումս ողջ եղածը Նրան ես պատմեմ,

Ամեն բան կարող եմ Նրան վստահել:

Նեղություններս Նրան կպատմեմ,

Անմիջական օգնություն է Նա նեղության ժամին,

Տխրությանս ամեն պատճառ Նրան կհայտնեմ,

Մխիթարում  է  ինձ Նրա Սուրբ Հոգին:

Ատելի մեղքերս Նրան  կպատմեմ,

Նա է  տալիս դրանց հաղթելու  զորություն,

Տանջող կասկածներս Նրան կհայտնեմ,

Հավատքս զորացնում է Խոսքով Իր իմաստուն:

Սրտիս փափագները Նրան  ես պատմեմ,

Նա կշնորհի դրանք, եթե Իրենով եմ հրճվում,

Ծրագրերիս մասին Իր հետ զրուցեմ,

Կիրականացնի դրանք, եթե Իրեն եմ հանձնում:

Մտահոգություններս Հիսուսին պատմեմ,

Գիտեմ, որ Նա հոգում է իմ մասին,

Վախերս Նրանից երբեք չթաքցնեմ,

Խաղաղություն է շնորհում իմ սրտին:

Բոլոր իմ հարցերով Նրա մոտ գնամ,

«Ինչու»-ն, «ինչպես»-ն ու «երբ»-ը միայն Նա գիտի,

Իր  Խոսքի գաղտնիքները հարցնեմ  Նրան

Խնդրեմ, որ Նա իմ աչքերը բացի:

Երկար ճամփորդություն արեց հարավի թագուհին,

Որ Սողոմոնի իմաստությունը լսի,

Իսկ ես  կարող եմ մոտենալ Նրա շնորհաց գահին,

Սողոմոնից մեծ Մեկն ինձ ուրախությամբ կընդունի:

Չկա մի բան, որ չկարողանա Նա ինձ բացատրել,

Սրտիս մեջ եղած ամեն բան սիրով կլսի,

Անվերջ ուզում եմ  Նրա հետ զրուցել,

Իմ տված հարցերից երբեք չի հոգնի:

Սողոմոնի իմաստությունը կարդացել եմ Սուրբ Գրքում,

Բայց Սողոմոնից մեծ Մեկն է իշխում իմ կյանքում:

Հռիփսիմե Մկրտչյան

Հուլիս 1, 2012

(Հովհ.3:30)

§²ÝÇϳ åÇïÇ Ù»ÍÝ³Û áõ »ë å½ïÏݳ٦

ÆÙ áÕç ¿áõÃÛ³Ùµ åÇïÇ å³ßï»Ù Üñ³Ý,

²Ù»Ý ûñ ³ÝÓë åÇïÇ áõñ³Ý³Ù

§²ÝÇϳ åÇïÇ Ù»ÍÝ³Û áõ »ë å½ïÏݳ٦:

ʳãë åÇïÇ í»ñóÝ»Ù, Üñ³Ý ѻ層Ù,

ÆÝã áñ ÇÝÓ ß³Ñ ¿, íݳë ѳٳñ»Ù,

ÆÙ áÕç ¿áõÃÛ³Ùµ åÇïÇ å³ßï»Ù Üñ³Ý,

§²ÝÇϳ åÇïÇ Ù»ÍÝ³Û áõ »ë å½ïÏݳ٦:

Հռիփսիմե Մկրտչյան

Մեկ բան

Շատ բաների համար եմ մտահոգվում,

Մինչդեռ միայն մեկ բան է պետք` (Ղուկաս 10:42)

Բարի բաժինն ընտրել,

Ոտքերիդ մոտ նստած Խոսքերդ լսել:

Շատ բաներ եմ Քեզանից խնդրում,

Բայց մեկ բան պետք է փափագս լինի` (Սաղմոս 27:4)

Կյանքիս բոլոր օրերում տանդ բնակվել,

Գեղեցկությունդ տեսնել, երեսդ փնտրել:

Շատ բաներ չգիտեմ և ուզում եմ իմանալ,

Բայց մեկ բան գիտեմ. (Հովհ. 9:25)

Կույր էի, աչքերս Դու բացեցիր,

Խոսքիդ հրաշալիքները հիմա տեսնում եմ:

Շատ բաներ են կյանքս զբաղեցնում,

Բայց մեկ բան պետք է անեմ`(Փիլիպ. 3:13)

Ետևում եղածները մոռացած` առաջ ես վազեմ,

Քո բարձր կոչման մրցանակին հասնեմ:

Երբ կարծում եմ, թե բոլոր խոսքերդ պահել եմ,

Ասա` ինչն է այն մեկ բանը, որ պակասում է ինձ, (Մարկ. 10:21)

Ուրախությամբ գնամ այդ մեկ բանն անելու

Ոչ թե տրտմությամբ հեռանամ Քեզանից:

Շնորհակալ եմ, որ Քո բարի խոսքերից

Բոլոր խոստումներից Քո թանկագին,

Մեկ բան էլ չպակասեց, ամենը կատարեցիր, (Հեսու 23:14)

Ու հիմա ինձ մեկ բան է պետք` Խոսքդ լսել,

Մեկ բան եմ փափագում` տանդ մեջ ապրել,

Մեկ բան պիտի անեմ` առանց ետ նայելու առաջ ես վազեմ,

Գիտեմ մեկ բան` կույր էի, հիմա տեսնում եմ,

Պակասու՞մ է մեկ բան…

Օգնիր, որ անեմ:

Հռիփսիմե Մկրտչյան

 17.01.12

Իմ «երգի ուսուցիչները»

«Նրանց մոտ երկնքի թռչուններն են բնակվում, որոնք երգում են ճյուղերի միջից»

 (Սաղմոս 104:12):

Առակաց գրքում ինձ համար ուսուցիչներ գտա` մրջյունները, որոնք սովորեցնում են աշխատասիրություն, ճագարները, որոնք տկար լինելով իմաստությամբ են վարվում` ապահովություն փնտրելով վեմերի մեջ, մորեխները, որոնք միաբանություն են սովորեցնում և այլն: Բնության գեղեցիկ նկարագրությամբ այս սաղմոսում էլ «ուսուցիչներ» գտա` ճյուղերին նստած  թռչունները, որոնք երգում են:

Նրանցից դաս ունեմ սովորելու. թռչունները երգում են նաև ձմռան ցրտին, երբ ձյունով ծածկված է ամեն բան և դժվար է կերակուր գտնելը: Ճնճղուկների անհոգ ճռվողյունը հանդիմանում է ինձ, երբ դժվարությունների և նեղությունների մեջ լռում է փառաբանության երգը հոգուս մեջ: Նրանցից սովորեմ խաղաղություն, սովորեմ գոհանալ ամեն վիճակի մեջ, սովորեմ մշտապես երգել:

Սաղմոսերգուն, որը լսում էր թռչունների երգը, ինքն էլ ճիշտ որոշում էր կայացրել. «Տիրոջն եմ երգելու ամբողջ կյանքիս մեջ, Աստծուս փառքն եմ երգելու, քանի դեռ կամ» (Սաղմոս 104:33):

Նա չասաց. «Երգելու եմ, քանի դեռ ոււրախ եմ, քանի դեռ առողջ եմ, քանի դեռ խնդիրներ ու մտահոգություններ չունեմ…», այլ «Աստծուս փառքն եմ երգելու քանի դեռ կամ»:  Ես կամ, ապրում եմ, ուրեմն նայեմ «երգի ուսուցիչ» թռչուններին և կայացնեմ այս որոշումը. «Տիրոջն եմ երգելու ամբողջ կյանքիս մեջ…»:

03.03.2012

Մեղքի մասին

Իսկական պատճառ ունես  մեղքն ատելու:  Միայն հիշիր,  թե ինչ վնաս է այն քեզ հասցրել. մեղքը կուրացրել է քեզ, որ չտեսնես Փրկչիդ գեղեցկությունը, խլացրել է քեզ, որ չլսես Նրա քաղցրաձայն հրավերը, ոտքերդ տարել է մահվան ճանապարհի վրա ու թույն է խառնել քո ըմպելիքին:

Չ. Սպըրջն

Եթե մեղքի հանդեպ մեր ատելությունը ճշմարիտ է, մենք կընդունենք մեղքի համար հանդիմանությունը և չենք բարկանա; Նրանք, ովքեր բարկանում են մեղքի համար հանդիմանվելիս, մեղքը չեն ատում:

Ռիչարդ Սիբ

Թող ոչ ոք չմտածի, որ մեղքին կսպանի մի քանի  թեթև հարվածներով: Նա, ով օձ է սպանում, պետք է այնքան հարվածի, մինչև օձը սատկի, այլապես կզղջա, որ սկսել է կռիվը:  Նույն  կերպ, եթե որոշել ես մեղքի հետ հարցերը լուծել,  մի դադարիր հարվածել, մինչև սպանես:

Ջոն Օուեն

Նա, ով չի ուզում խմել Աստծո բարկության գավաթը, թող չդիպչի  հաճույքի մեղսալից գավաթին:

Եթե մեղքի հետ մեկ մղոն գնաս, քեզ կստիպի երկրորդ մղոնն էլ գնալ:

Ուիլյամ Սեքեր

Սպանիր մեղքը, այլապես նա քեզ կսպանի:

Ռիչարդ Բաքսթեր

 Անգլերենից թարգմանեց Հռիփսիմե Մկրտչյանը

Ժամանակի մասին

Նա, ով ոչինչ չի անում, ոչ մի  բանի համար ժամանակ չունի:

                             
****************

Մեր օրերը միանման ճամպրուկներ են, նույն չափի, բայց որոշ մարդիկ ավելի շատ բան են տեղավորում դրանց մեջ, քան մյուսները:

 *****************

Վատ  լուր` ժամանակը թռչում է: Լավ լուր` օդաչուն դու ես:

*****************

Երբեք վատնված չէ աղոթքով անցկացված ժամանակը:

 Անգլերենից թարգմանեց Հռիփսիմե Մկրտչյանը

Երբ չգիտեմ, թե ինչ եմ խնդրում

«Դուք չգիտեք, թե ինչ եք խնդրում» (Մատթ. 20:22):

Հովհաննեսին և Հակոբոսին ուղղված խոսքերը Տերը ինձ էլ է ասում. «Դու չգիտես, թե ինչ ես խնդրում»: Բազմիցս տեսել եմ, որ չգիտեի, թե ինչ եմ խնդրում և  փառք Տիրոջս ով գիտեր, թե ինչ եմ խնդրում ու դրա համար չտվեց խնդրածս:  Երբ Տերն աղոթքներիս  «ոչ» է ասում, հաստատ իմանամ, որ ես չգիտեի, թե ինչ եմ խնդրում:

Ինչ լավ է, որ իմ որոշ աղոթքներ դրական պատասխան չեն ստացել:

Ու՞մ հարցնեմ

«Ժողովուրդը իր Աստուծոյն պիտի չհարցնէ՞» (Ես. 8:19)

Ճարտասանական  այս հարցը ինձ հիշեցրեց ամեն բանի համար Տիրոջից խորհուրդ և առաջնորդություն խնդրելու կարևորության մասին: Ճիշտ է, համատեքստում հարցը ուղղված է նրանց, ովքեր մարդկանց առաջարկում են իրենց հարցերով դիմել վհուկներին: Մենք, բնականաբար, երբեք չենք դիմի վհուկներին, բայց երբեմն մոռանում ենք, որ կա Մեկը, ում կարող ենք ամեն բան հարցնել մտահոգվելու փոխարեն:  Մտքիս մեջ շատ հարցեր կան, դրանք այնտեղից պետք է հանել և տանել Տիրոջ մոտ:  Ժողովուրդը իր Աստծուն պիտի չհարցնի՞.  Տերը  պատվիրեց այս հարցը տալ նրանց, ովքեր առաջարկում էին վհուկներին դիմել: Այսօր այս հարցը ինձ համար էլ է հնչում: Այս հարցը իմ հարցերի պատասխանն է: Երբ նեղություններն ու մտահոգությունները ամեն կողմից շրջապատում են ինձ և սատանան փորձում է  համոզել, որ չեմ գտնի ինձ հուզող հարցերի պատասխանները, ասեմ. «Հռիփսիմեն իր Աստծուն  պիտի չհարցնի՞»: Այո, հենց Նրան պիտի հարցնեմ:

Հարմար պահեստ ամենաթանկ գանձիս համար

«Իր Աստծո օրենքն իր սրտի մեջ է, և նրա քայլերը չեն սայթաքելու» (Սաղմոս 37:31):

Նրա քայլերը չեն սայթաքելու. խոստումը նրանց համար է, ովքեր Աստծո Խոսքը դրել են ճիշտ տեղում` սրտի մեջ: Աստծո Խոսքի համար լավագույն պահեստը սիրտն է: Հայտնի` Սաղմոս 119:11 համարն ասում է, որ Աստծո Խոսքը սրտում պահողը չի մեղանչում: Նույն սաղմոսում տեսա, որ Աստծո օրենքը սիրողները խաղաղություն ունեն: «Քո օրենքը սիրողները մեծ խաղաղություն ունեն և ոչ մի բան չի գայթակղեցնելու նրանց» (Սաղմոս 119:163): Իսկ Սաղմոս 40:8 համարում տեսնում եմ, որ Աստծո օրենքը սրտի մեջ պահողի համար Աստծո կամքը կատարելը հաճույք է և բերկանք. «Քո կամքը կատարելը իմ բերկրանքն է, ով իմ Աստված, այո, Քո օրենքն իմ սրտում է»: Եթե Աստծո Խոսքը սրտիս մեջ է, Նրա կամքը կկատարեմ հրճվանքով, ուրախությամբ, ոչ թե դժկամությամբ: Եսայի 51:7 համարում Տերը դիմում է նրանց, ովքեր Իր օրենքը պահում են իրենց սրտում. «Լսեցեք ինձ, ով արդարություն ճանաչողներ, ով ազգ որ Իմ օրենքն ունես սրտումդ, մի վախենաք մարդկանց նախատինքից ու նրանց բամբասանքից մի զարհուրեք»:
Այս համարները կարդալով հասկացա, որ նա ով Աստծո Խոսքը պահում է ճիշտ տեղում` սրտի մեջ,
1. Նրա քայլերը ճիշտ են` չի սայթաքում:
2. Նրա գործերը ճիշտ են` չի մեղանչում:
3. Նրա հոգեվիճակը ճիշտ է` խաղաղություն ունի:
4. Նրա վերաբերմունքը Աստծո կամքը կատարելու հանդեպ ճիշտ է` հաճույք է ստանում դրանից:
5. Նրա արձագանքը բամբասանքի առարկա դառնալիս ճիշտ է` չի վախենում:
Եվ նրանք, ովքեր գիտեն այս ճշմարտությունը, ճիշտ որոշում կընդունեն` պահել Աստծո Խոսքը սրտի մեջ: Եվ դրա համար լավ է սուրբգրային համարներն անգիր սովորելը, խորհրդածել դրանց շուրջ, աղոթել դրանց վերաբերյալ: Դա ինձ քաջալերում է կանոնավորապես մենիկ պահեր ունենալ Տիրոջ Խոսքի շուրջ խորհրդածությամբ ու աղոթքով: Ու դրա համար լավագույն ժամանակը առավոտն է: «Լուսաբացից առաջ արթնացա ու Քեզ կանչեցի, ես Քո Խոսքին հուսացի» (Սաղմոս 119:147): «Տեր, առավոտյան լսիր իմ ձայնը, առավոտյան պատրաստ կլինեմ Քեզ համար ու կսպասեմ» (Սաղմոս 5:3): Առավոտյան պաշտամունքի համար պետք է պատրաստ լինել: Պետք է պատրաստ լինեմ Տիրոջը ամեն առավոտ հանդիպելու: Բավական չէ ունենալ միայն պատրաստ գրասեղան` Աստվածաշունչ, համաբարբառ, խաչաձև հղումներ, աղոթքի օրագիր, երգարան, նոթատետրեր, գրիչներ և այլն: Պետք է ավելի խորը պատրաստություն.
1. Սրտի պատրաստություն. պետք է սիրտս պատրաստ լինի ընդունելու Աստծո Խոսքը, լցված լինի գոհությամբ, սրտանց զղջամ այն ամենի համար, ինչ Տիրոջը հաճելի չի:
2. Մտքի պատրաստություն. թող միտքս կենտրոնացած լինի Աստծո Խոսքի վրա, ազատ լինեմ թափառող մտքերից:
3. Կամքի պատրաստություն. հոժար լինեմ կամքս Տիրոջ կամքին ենթարկելու, թողնեմ իմ սեփական փափագներն ու ձգտումները:
Քանի որ ճաշակել եմ ամեն առավոտ Տիրոջը հանդիպելու օրհնությունները, երբեք բաց չթողնեմ առավոտյան պաշտամունքներս: Իսկ եթե այնքան զբաղված եմ, որ ժամանակ չե՞մ գտնում դրա համար… Աստծո Խոսքը չի պատվիրում ժամանակ գտնել, այլ ժամանակ… գնել: Աստված յուրաքանչյուրիս օրական 24 ժամ է տվել, և ոչ ոք չի կարող գանգատվել ժամանակի պակասից: Եթե սաղմոս սովորելու փոխարեն ժամանակս վատնում եմ ֆոտոշոփում, եթե զարթուցիչն անջատում եմ ու շարունակում քնել մինչև ժամը յոթը, եթե թանկագին րոպեներ եմ կորցնում սոցիալական ցանցերում, չպետք է գանգատվեմ ժամանակի պակասից: Պետք է ետ գնեմ այն թանկագին ժամանակը, որ վատնել եմ: Ժամանակը պարգև է Աստծուց և երբ ժամանակս տալիս եմ Աստծուն, տալիս եմ միայն Իր տվածը: Ամեն օր Տիրոջս հետ անցկացրած ժամանակը պետք է լինի առաջնահերթություն: Ուզում եմ կրկնել սաղմոսերգուի հետ. «Որքան եմ սիրում Քո օրենքը, սա է իմ մտածմունքը ամեն օր» (Սաղմոս 119:97) և աղոթել. «Ով Աստված, Դու ես իմ Աստվածը, վաղ առավոտից ես Քեզ եմ փնտրելու…» (Սաղմոս 63:1): Նրա Խոսքը իմ ամենաթանկ գանձն է և ես ուզում եմ այդ գանձը պահել ամենահարմար պահեստում` սրտիս մեջ: