Ուզում եմ դառնալ Բեթանիա... իմ Տիրոջ սիրած բնակավայրը

«Եվ նրանց թողնելով գնաց քաղաքից դուրս դեպի Բեթանիա ու այնտեղ գիշերեց» (Մատթ.21:17):

Բեթանիան մեր Տիրոջ սիրած վայրն էր երկրի վրա: Նա հաճախ էր հյուրընկալվում այդ փոքրիկ գյուղում (Մարկ.14:3, Հովհ.12:1,2 Մատթ.21:17, Մարկ.11:11): Այնտեղ ապրում էին երեք սիրելի մարդիկ՝ Ղազարոսը իր երկու քույրերի հետ: Այնտեղ էր Նա ճշմարիտ երկրպագություն ստանում: Այնտեղ Նա օծվեց թանկագին յուղով՝ ստանալով այն, ինչ Մարիամի ամենաթանկագին ունեցվածքն էր, այնտեղ Նրա համար հատուկ ընթրիք էին պատրաստում (Հովհ. 12:2, ), այնտեղ Մարթան սպասավորություն էր անում (Հովհ.12:2, Ղուկաս 10:40), այնտեղ էր Մարթան ծարավով լսում Նրա Խոսքերը (Ղուկաս 10:39): Այնտեղ Հիսուսին մատուցվում էր լավագույնը: Նա այնտեղ ցանկալի Հյուր էր և սիրում էր այնտեղ հանգստանալ: Ես ուզում եմ, որ իմ սիրտը Բեթանիա դառնա, ուր Տերս կսիրի բնակվել: Ուրեմն թող սրտիս մեջ լինի այն երկրպագությունն ու Խոսքի հանդեպ ծարավը, որն ուներ բեթանացի Մարիամը, այն սերը, որը Հիսուսին նախապատիվ է անում բոլորից, այն ծառայելու հոժարությունը, որն ունեին Ղազարոսն ու Մարթան: Ուզում եմ ունենալ հոժարությունը կոտրելու իմ ալաբաստրե շիշը Նրա ոտքերի մոտ:
Հիսու՛ս, ուզում եմ Բեթանիա լինել՝ Քո սիրած բնակավայրը: