Շնորհակալ եմ անպատասխան աղոթքների համար

Անպատասխան աղոթքներն էլ
Բարու գործակից են,
Որովհետև փափագներս
Կամքիցդ կարևոր չեն,
Որովհետև պատասխաններդ
Խնդրանքներիցս իմաստուն են,
Որովհետև մերժումներդ
Սիրուդ ապացույցն են:
Որովհետև Քո կամքը բարի ու կատարյալ է,
Ու երբ Դու «ոչ» ես ասում,
Բարիքիս համար է:
Ով աղոթքի լսող,
Անպատասխան աղոթքների համար
Շնորհակալ եմ Քեզ,
Իսկ չպատասխանելու պատճառները
Մի օր կհասկանամ ես:

Հռիփսիմե Մկրտչյան