Հանդիպում Հիսուսի հետ

Հիսուս, մինչ փակում եմ դուռն իմ սենյակի
Գաղտնի վայրում հանդիպելու Քեզ,
Խնդրում եմ, որ բացես դուռը իմ սրտի,
Որ այնտեղ պահեմ այն, ինչ ինձ պետք է ասես:

Մինչ փակում եմ աչքերս, որ ոչինչ ինձ չշեղի
Այն ժամանակ, երբ կանչում եմ Քեզ,
Խնդրում եմ, որ հոգուս աչքերը բացես,
Որ տեսնեմ սքանչելիքները Քո անգին Խոսքի:

Մինչ հեռանում եմ ամենքից ու ամեն ինչից,
Խնդրում եմ, պաշտելի Տեր, որ ինձ մոտ լինես,
Երբ անջատում եմ բոլոր ձայները մտքերիս,
Խնդրում եմ, որ Քո մեղմ ձայնով սրտիս հետ խոսես:

Ներիր, որ երբեմն չեմ գալիս հանդիպման,
Իսկ դու շարունակում ես անընդհատ ինձ սպասել,
Ներիր, որ մոռանում եմ Քեզնից խնդրել այն,
Ինչ Դու փափագում ես Քո սիրով ինձ շնորհել:

Ներիր, որ անընդհատ վազքի մեջ եմ եղել
Ու մոռացել եմ ոտքերիդ մոտ նստել,
Հիմա գալիս եմ մեր հանդիպման վայրը,
Էլ չեմ ուզում Քեզ սպասեցնել:

Հռիփսիմե Մկրտչյան